作者：郦帼瑛
沪语改写：丁迪蒙
朗读：牛美华
编辑：王乙其
江南，是我个钟爱。
父亲杭州人，母亲绍兴人，从小，我勒烟雨迷蒙个江南长大。绍兴戏听听，黄滕酒吃吃，能不忆江南？爱伊个“日出江山红似火，春来江水绿如蓝”个美景，也爱伊“昨夜雨疏风骤，浓睡不消残酒”个意境。因此，写过一部40万字个言情小说《若尘如水》，拿年前头个江南风情搭仔中法文化交流演绎了一番。年，美国哈佛广场出版社出版，年，上海文艺出版社再版。
江南个梅雨，让我产生一种别样个情愫。伊个一串串个雨滴，勒斑斑驳驳个粉墙浪向流淌，幻化成为奇妙个水墨画。我会得立勒屋檐下头静静叫个聆听雨落个声音，也会得默默个观赏伊种氤氲个雨水流经个痕迹。
远眺，江南个桥浪向，有人撑好仔油纸伞勒看风景，而伊拉，也是一道拨人家欣赏个风景。雨雾蒙蒙当中，伊座桥、伊只塔、伊个人，就搿能邪气精巧个成为了眼睛里向个风情画了。
近观，有得青春少女从廊檐走过，好像穿越了唐宋，从古诗词当中脱颖而出了。伊个一份婉约、伊个一份优雅、伊个一份清纯，是江南个柔情似水，是江南个余音袅袅，美到了极致。
因此，江南个雨，用伊支透明个笔，勒勒描摹江南独有个梅雨季节里个水墨画、抽象画、美人画。
搿，就是我写歌词个初衷。
朗读：牛美华——————————————————江南个雨，飘飘洒洒，
伊欢喜老街浪个白墙黛瓦。
伊顺牢仔屋檐个沟沟坎坎，
流淌出一幅幅、写意抒情个水墨画。
江南个雨，清清爽爽，
伊欢喜小镇浪个石桥宝塔。
伊认牢仔倒影个灰灰暗暗，
汇拢出一幅幅、朦胧清雅个抽象画。
噢，江南个雨呀，像煞是一个画家，
用透明个色彩，点染出蝉翼一样个纱。
江南个雨呀，就是一个画家，
拿丰润个画笔、描绘心灵个图画。
江南个雨，纤纤细细，
伊欢喜大姑娘个薄裙秀发。
伊绕牢仔秀美个温温软软，
临摹出一幅幅、古色娇艳个美人画
噢，江南个雨呀，像煞是一个画家，
用透明个色彩，点染出蝉翼一样个纱。
江南个雨呀，就是一个画家，
拿丰润个画笔、描绘心灵个图画。
——————————————————
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
预览时标签不可点收录于话题#个上一篇下一篇